Почнав да се појавуам на Инстаграм во улога на (мама) инфлуенсер, да делам детали од бременоста, породувањето, првите денови од мајчинството.

Една идеја не ми излегуваше од глава. Идеја да започнам платформа за родителство. Истражував, планирав, пишував, се вмрежував, имав состанцои, запознавав луѓе, правев планови. Започнав лајв поткаст.

Откако забележав дека имам огромна заедница од 10к следбеници решив да започнав Newsletter за споделување искуство со личен развој и во првата недела добив 750 претплатници. Снимив 12 поткаст епизоди во форма на Инстаграм лајв интервјуа со жени од најразлични области во личниот развој и родителството. Следејки ја идејата за платформата за родителство, основав невладина организација и ја организирав првата онлајн Конференција за свесно родителство со 700+ учесници. Креирав и планер и дневник за мајки.

Ја започнав годината со прв самостоен вебинар за оптимизација на Инстаграм и Facebook а потоа ја организирав и втората конференција за свесно родителство со 1000+ учесници. Наизглед толку многу различни расфрлани интереси, со тек на време почнаа да ми добиваат смисла. Со тек на време, работата на себе, учењето и вложувањето во себе почнаа да се поврзуваат во една логична целина. Сето тоа всушност беше израз на мојата повеќеслојност. Делчиња што на прв поглед изгледаа неповрзано, се составија во мозаик кој ми стануваше сè попривлечен. Низ континуирано преземање акции, на средината на 2023 донесов одлука да се фокусирам на моите таленти, искуства и знаења и истите да ги продлабочам со неколку големи инвестиции во себе. Годината ја завршив со креирање бесплатен вебинар на тема Објави кои резонираат, и со објавување на мојата прва авторска програма "Креирај содржина во склад со себе", во која првата група се пополни скоро без никаква промоција од жени кои веќе долго време ја следат мојата работа.

Програмата веќе има 4 полни групи, нејзината цена и вредност континуирано расте, организирав 5 вебинари на теми како лично брендирање, лансирање, продажба, newsletter, почнав да работам иднивидуални консултации, бев speaker на конференција за лидерство каде зборував на тема Личен бренд, почнав конечно да остварувам редовни приходи од мојот "мал side hustle"....... Се што заработував во овие две години целосно го инвестирам во најдобрите бизнис програм и ментори од целиот балкан и во коучинг серитификација.

До денес имам работено со +150 клиентки преку моите програми и индивидуални консултации. Континуираното зголемување на приходите ми овозможува делегирање и ширење на тимот и вложување во корисничко искуство. Што е следно? Онлајн Бизнис Академија во склад со себе. Мојот најнов проект. Мојот бизнис отсекогаш растел заедно со мене. Секогаш бил одраз на тоа во која фаза сум јас како жена, мајка и креатор. И сега кога повторно сум во нова фаза и тоа онаа во која сум најмногу потребна дома, најмногу со себе, најмногу со семејството и најмногу со моето трето бебе, се одлучив за нов начин на работа, нов облик на поддршка на жените со бизниси, и нов формат на мојата понуда. По месеци подготовка, размислување, анализа, тестирање и собирање сè што знам од последниве 7 години на едно место конечно ја отворив мојата нова Онлајн бизнис АКАДЕМИЈА во склад со себе. Сигурна сум дека ќе биде возбудливо.